《小传日记》鱼缸噚日（６日）炒唔返上去牛熊线，今日（７日）就继续出现整固局面。鱼
缸轻微高开之后最高炒过上近２０９００水平，不过之后好快又脚仔软。恒指全日收市倒跌１０
点，报２０６９９。国货指数就跌得伤啲，唔见６５点报１１４９９。
　　鱼缸再一次出现观望状态，最主要系神话国希腊仍未能同其他欧盟国家达成最后协议；原本
噚日系最后，但系就拖得就拖，将限期拖到当地时间今日。神话国咩胡芦卖咩药，相信今晚就会
揭盅。鱼缸成交亦都回一回，只系得６１４亿银。
　
＊欧债未拜拜信心待建立，专家吁投资维持多元化＊
　
　　踏入龙年，小传同唔少客仔吹水嘅时候，发现佢地对于股市都系抱有「怀疑」嘅态度，远远
超过「肯定」嘅态度。的而且确，去年下半年个市风高浪急，一有坏消息出现就跌市，甚或系冧
市；但好消息出现咩就无得升喎，令到唔少缸友都非常气馁；信心仲未完全回复之际，要佢地掟
多少少钱落鱼缸度，肯定唔系咁容易。
　　巴克莱都建议投资者唔好做咁多炒卖。佢地嘅财富环球投资策略主管Ｋｅｖｉｎ　
Ｇａｒｄｉｎｅｒ就话，由于金融市场将会持续反覆无常，而欧洲仅能「勉强应付」债务危机，
建议投资者应维持多元化嘅中长线投资组合以避过危机。目前，已发展国家股票及高息债券估值
均已处于吸引水平，该行建议投资者「增持」。投资者可轻微增持风险资产；若要选择避险资产
，则建议可持有现金，多于持有政府债券、外汇或黄金。不过呢个都一向系万能嘅保守建议，缸
友最紧要都系要衡量番自己有「几重」先好去投资。
　
＊联通玩反弹中移算硬净，一人一手机目标不远矣＊
　
　　联通（００７６２）噚日大插水，今日又走返上去，仲升返上１４蚊水平，全日埋单涨
３﹒２巴仙。中移（００９４１）走势都硬净，涨０﹒４巴仙，不过传星期五会开售
ｉＰｈｏｎｅ４Ｓ嘅中电信（００７２８），有券商就话佢地为拎ｉＰｈｏｎｅ代理权付出唔少
代价，所以呢轮券商都争住降佢地嘅评级同目标价，全日跌０﹒５巴仙埋单。
　　另外中国工业及信息化部亦公布最新电信数据，２０１１年全国电信业主营业务收入达到
９８８０亿人仔，比上年增长１０％；电信业务综合资费同比就下降４﹒８％。截至去年１２月
底，全国电话用户１２﹒７亿户，其中移动电话用户达到９﹒８６亿户，净增１﹒２７亿户；
３Ｇ电话用户达到１﹒２８亿户，净增８１３７万户。就咁睇条数，相信一人一手机嘅目标虽不
近亦不远矣。
　
＊大象看后市非牛亦非熊，瑞士佬发功美人果靓靓＊
　
　　大象（００００５）行政总裁欧智华接受印度《Ｔｈｅ　Ｅｃｏｎｏｍｉｃ　Ｔｉｍｅｓ》
访问时表示，印度绝对系环球经济典范，系其中一个环球经济增长引擎，投资回报亦高，故大象
希望喺当地投资加注１倍。佢仲话，预期环球经济上半年充满挑战，但认为投资市场唔系「牛」
亦唔系「熊」，而系存在大量不明朗性嘅「古怪市」。大象今日股价都无乜古怪，弹高０﹒７巴
仙埋单。
　　升得最高嘅系大美人（００３３０），唔止炒作美国业务有所复苏，另外亦获得瑞银提高评
级及目标价，今日踢高４﹒８巴仙。旺旺（００１５１）仲有康师傅（００３２２）各升１﹒８
巴仙及１﹒６巴仙。
　
＊楼市升定跌真假小阳春？Ａ仔曾急挫国货各走各＊
　
　　噚日升得多嘅码头股今日就回吐得较多，招商局（００１４４）跌３﹒３巴仙，中远太平洋
（０１１９９）软１﹒８巴仙。
　　差饷物业估价署公布，去年本港整体住宅楼价先升后回，上半年上升１５％，但下半年楼价
见顶回落，从高位回落５﹒３％，抵销上半年部分升幅，全年仅升９﹒３％，升幅较２０１０年
嘅２０％同２００９年嘅２９％明显收窄。有缸友就话，呢个系楼市拐点嘅出现，不过最近鱼缸
二手市道又似乎好返少少，真系唔知边个真边个假。
　　今日地主股同收租佬都出现轻微回吐，九仓（００００４）跌２﹒５巴仙，新地
（０００１６）同大好友（０００８３）各跌１﹒９巴仙及１﹒４巴仙，系长实（００００１）
比较省镜，涨０﹒６巴仙埋单。
　
＊高佬来祝福信行与建材，３５３坛金升幅确惊人＊
　
　　Ａ仔场今日表现非常麻麻，一度跌超过２巴仙，收市前轻轻回顺先跌１﹒６巴仙。国货股之
中最省镜系比亚迪（０１２１１），大涨４巴仙散场。比亚迪由低位都已经反弹唔少，上升势头
似乎就仲未结束，可能系之前过度调整，始终股神嘅牌头，号召力真系不容忽视。东风
（００４８９）同广汽（０２２３８）表现都唔差，涨超过１巴仙埋单。
　　高佬今日亦出报告话亚太区股份经过显著下跌后，已接近盈利调整周期嘅底部。过去数月，
市场对亚太区股份嘅盈利预测已削减超过１０％，虽然可能仍有下调空间，但相信幅度有限。高
佬指，虽然于即将来临嘅业绩期中，化学、运输及内地零售股份或未有出色表现，但仍看好信行
（００９９８），因料拨备低预期，盈利或见惊喜，同埋中国建材（０３３２３）可能受惠强劲
销量及均价回升，两只股份分别涨０﹒２巴仙及１﹒２巴仙。
　　股仔方面就继续见到啲资源股有所炒作，能源国际（００３５３）大涨６６巴仙埋单，系升
得最多嘅股份。另外坛金矿业（００６２１）亦弹高近２９巴仙。请请！

　　《编者按》本栏搜罗即日热门传闻，惟消息未经证实，《经济通》亦不保证内容之准确性
　　　　　　　本文只供参考之用，并不构成要约、招揽或邀请、诱使、任何不论种类或形式之
　　　　　　　申述或订立任何建议及推荐，读者务请运用个人独立思考能力自行作出投资决定
　　　　　　　，如因相关建议招致损失，概与《经济通》、编者及作者无涉。