《花絮》今日港灯（００００６）同长江基建（０１０３８）开股东会，之不过，长和系
ｉｃｏｎ、身兼港灯董事兼长建主席既小超人李泽钜就失场，未有现身。
　　会后，小超人爱将、长建董事总经理甘庆林会见传媒，甫开腔就话有件事要同记者交代。原
来，小超人噚晚食错嘢唔舒服，搞到佢今日出席唔到股东会。甘生仲话，小超人千叮万嘱，交带
佢一定要同传媒讲声唔好意思，仲叫甘生代佢向记者问候一句「大家好」。
　　有在场记者问甘生，小超人系咪留喺屋企休息，甘生就讲笑咁话，小超人冇吩咐佢代答其他
问题喎，不过佢就代小超人多谢传媒嘅关心。
　　小超人贯彻佢一贯随和作风，病咗都不忘向记者们问好，认真唔话得，希望小超人早日康复
啦。（ａｎ）